Lamlam脷

營業中

休息中

最近我地都搵緊Lxxx X嘅替代，LamLam脷我食過最少3次喇，現時我覺得最好食嘅千層蛋糕。舖頭好細間，得幾個伙記做野。記得第一次黎買嗰陣，未開門已經有人龍喺出面等。我上次食係流心朱古力，嗰次之後我已經認定左佢。今日同男朋友一齊黎。價錢三十五蚊一件，特別口味都就貴幾蚊。如果walk in好睇你嗰日舖頭賣咩口味，每日都唔同。我地好好彩，未入去之前我地都想食伯爵茶味。我自己都買左件，伯爵茶味濃，好香，甜度適中！男朋友話好有驚喜，佢話之後都會買呢間，話呢間係佢現時覺得最好食嘅一間。唔睇返唔知原來Lamlam脷已經搬左新地址，喺旺角，位置比之前太子界限街更易揾交通更方便。