小方糖甜品 (荃好景大廈)

營業中

休息中

食飽飯想食糖水，就當然去路德圍望下啦！本身都諗住去松記食嘅，但係見到有間新開嘅小方糖，令到我諗起幾年前夜晚成日都揸車去九龍城食糖水嘅情形，好啦！就試下佢啦！坐低之後望下個menu ，同以前都唔同左好多，最深印象嘅就係以前我成日食個龍珠，我記得係龍眼肉再加個珍珠，而家竟然又有悟空同埋比達，笑左！都幾特別。不過我地都係叫左個古靈精怪同埋個勁薑蕃薯糖水。首先係古靈精怪，係個底有紫米飯，雲呢拿沙冰，珍珠同埋芒果肉。個雲呢拿沙冰真係好香好濃雲呢拿味道，紫米飯係凍，芒果肉都好甜，成個甜品襯係黎都幾夾。跟住就係勁薑蕃薯芋圓糖水，係熱食嘅，兩舊大大嘅蕃薯肉，再加3粒芝麻湯丸，少少芋圓，最值得欣賞就係糖水如其名，真係好夠薑味，愛吃薑嘅真係可以一試，湯丸都好味，芝麻味道好濃，蕃薯肉好淋，芋圓感覺就有少少格格不入，多左，但係都算係有野咬下。整體黎講兩個都好味道 ，價錢合適，會再幫襯。