影片
更多
2018-11-05
750 瀏覽
以前日日食，但自從帶米返公司煮飯後就好少食，但係一唔煮又無約人同唔係星期日就一定食佢！今日係星期六，有糖水送。平時三餸一湯外賣係$29蚊，星期六有埋糖水都唔加價㗎！我本身唔係食齋嘅，所以會點啲比較薰食嘅素食料理，即係唔係純齋啦。呢間啲素食料理係比較濃味同油嘅，如果食齋嘅朋友就要點番比較傳統嘅羅漢齋會比較合適！本來我想order我的至愛～～菜甫叉燒炒蛋同椒絲腐乳炒唐生菜，點知两樣都無。最後點咗香煎美味鮮竹卷、椒鹽紫菜素鴨同金銀蛋炒菠菜。香煎美味鮮竹卷裡面全部係什菜，有沙葛（唔知係咪叫沙葛）、紅蘿蔔、白蘿蔔等等，應該落咗胡椒，少少spicy味，好乾身嘅，唔係有肉鮮竹卷咁濕濕哋嘅。但其實我唔鍾意食什菜，所以覺得麻麻哋，有其他揀我就未必會叫佢，對我嚟講係後備菜式！椒鹽紫菜素鴨ok嘅紫菜卷系腐竹入面，係叫腐皮定腐竹？？但無佢嘅素乳豬咁好食囉！味道全靠椒鹽。金銀蛋炒菠菜係第一次食比想像中好，菠菜好嫩嫩好滑滑，味唔重唔會好乾好咸。Very delicious糖水係腐竹薏米完全唔覺有腐竹，亦都唔係溶咗嘅感覺，唔算好味！同埋佢不嬲啲糖水係得七分滿，就算係送嘅我都expect佢多番少少會比較好，咁樣两啖就
今日係星期六，有糖水送。平時三餸一湯外賣係$29蚊，星期六有埋糖水都唔加價㗎！
我本身唔係食齋嘅，所以會點啲比較薰食嘅素食料理，即係唔係純齋啦。呢間啲素食料理係比較濃味同油嘅，如果食齋嘅朋友就要點番比較傳統嘅羅漢齋會比較合適！
本來我想order我的至愛～～菜甫叉燒炒蛋同椒絲腐乳炒唐生菜，點知两樣都無。最後點咗香煎美味鮮竹卷、椒鹽紫菜素鴨同金銀蛋炒菠菜。
三餸連湯連糖水
83 瀏覽
1 讚好
0 留言
香煎美味鮮竹卷裡面全部係什菜，有沙葛（唔知係咪叫沙葛）、紅蘿蔔、白蘿蔔等等，應該落咗胡椒，少少spicy味，好乾身嘅，唔係有肉鮮竹卷咁濕濕哋嘅。
香煎美味鮮竹卷
72 瀏覽
0 讚好
0 留言
但其實我唔鍾意食什菜，所以覺得麻麻哋，有其他揀我就未必會叫佢，對我嚟講係後備菜式！
椒鹽紫菜素鴨ok嘅
椒鹽紫菜素鴨
105 瀏覽
0 讚好
0 留言
紫菜卷系腐竹入面，係叫腐皮定腐竹？？但無佢嘅素乳豬咁好食囉！味道全靠椒鹽。
金銀蛋炒菠菜係第一次食
金銀蛋菠菜
56 瀏覽
0 讚好
0 留言
比想像中好，菠菜好嫩嫩好滑滑，味唔重唔會好乾好咸。Very delicious
糖水係腐竹薏米
腐竹薏米糖水
99 瀏覽
0 讚好
0 留言
完全唔覺有腐竹，亦都唔係溶咗嘅感覺，唔算好味！同埋佢不嬲啲糖水係得七分滿，就算係送嘅我都expect佢多番少少會比較好，咁樣两啖就無好嘥個紙杯料嘅比例係ok嘅！
個湯係南北杏煲青紅蘿蔔
南北杏煲青紅蘿蔔
193 瀏覽
0 讚好
0 留言
佢啲湯不嬲都出咗名係超多湯少，但我覺得個比例可能啲湯多番少少會好啲，而家兩啖湯跟住就半碗料～～我prefer七三比囉。
張貼
