影片
更多
2015-12-02
1417 瀏覽
今晚同屋企人特登山長水遠黎到布袋澳食海鮮，是因為老爸的一句說話。原來佢退休之前，公司曾經嚟過布袋澳食飯，不過佢嗰次有事去唔到，令佢耿耿於懷，今次就等我呢個孝順仔幫佢完成心願啦！我地係黃昏入到黎，由於是平日，初時都唔係好多人，我哋唔使等位就有位，先去咗附近碼頭行一陣影吓相然後再去佢個魚缸揀海鮮。我地最後揀咗南非鮑魚、海蝦、墨魚、聖子同埋扇鮑魚有大連同南非兩隻，雖然南非嘅價錢比較貴，但係就大隻好多，而且店員推介，所以我哋揀咗南非。食嘅時候真係唔覺得冇揀錯，啖啖肉而且非常鮮味，加上陳皮獨有嘅香味，真係色香味俱全！店員另一推介係墨魚，隻隻游水非常新鮮，店員話呢間餐館係墨魚專家，叫我地一定要試吓。我哋最後揀咗一隻普通size嘅，用椒鹽煮法。侍應攞出嚟嘅時候，真係嚇我哋一跳，估唔到細細隻嘅墨魚，可以煮出咁多份量嘅椒鹽墨魚，而且食落真係每一條都好有口感、好香口、好彈牙，值得推介！最後想介紹大家試吓呢度嘅海蝦，雖然其貌不揚，但係咬落去就知道分別所在，同養蝦有本質上的分別，新鮮、彈牙，而且香味與別不同，真係食過返尋味！至於另外選咗嘅扇貝同埋聖子就相形見絀，可能之前食個三樣嘢都太好味，所以呢兩樣就比較普通
我地最後揀咗南非鮑魚、海蝦、墨魚、聖子同埋扇鮑魚有大連同南非兩隻，雖然南非嘅價錢比較貴，但係就大隻好多，而且店員推介，所以我哋揀咗南非。食嘅時候真係唔覺得冇揀錯，啖啖肉而且非常鮮味，加上陳皮獨有嘅香味，真係色香味俱全！
店員另一推介係墨魚，隻隻游水非常新鮮，店員話呢間餐館係墨魚專家，叫我地一定要試吓。我哋最後揀咗一隻普通size嘅，用椒鹽煮法。侍應攞出嚟嘅時候，真係嚇我哋一跳，估唔到細細隻嘅墨魚，可以煮出咁多份量嘅椒鹽墨魚，而且食落真係每一條都好有口感、好香口、好彈牙，值得推介！
最後想介紹大家試吓呢度嘅海蝦，雖然其貌不揚，但係咬落去就知道分別所在，同養蝦有本質上的分別，新鮮、彈牙，而且香味與別不同，真係食過返尋味！
至於另外選咗嘅扇貝同埋聖子就相形見絀，可能之前食個三樣嘢都太好味，所以呢兩樣就比較普通平凡，不值一提。
最後一點，就係走嘅時候發覺唯一嗰個小巴站，排着長長嘅人龍，我哋估計起碼要等一個鐘頭先至有車，係徬徨嘅時候，竟然出現咗一架的士係我哋面前落客，我地即刻衝上前上車走。真係好采！但係又發覺呢度食飯如果冇車真係好唔方便。（後記：原來食滿某個價錢可以搭餐廳的專車出坑口，但店員沒有主動告訴我們，幫我地問嘅時候又話已經無位，呢點係有啲令人失望！）
張貼
