搵食工房

營業中

休息中

依個位置都轉咗幾次手，今次就係做西餐。平時都好多人，而且座位比較迫，所以有少少壓迫感。- 重口味邪惡鹹蛋黃青醬大蝦意大利麵配軟殼蟹個菜名，同賣相都好吸引。鹹蛋黃份量好足，配埋青醬就平衡咗個味道，唔會太鹹，變得好獨特，又好好食。軟殼蟹有半隻，炸得好脆。- 香煎蘇格蘭三文魚拼意式扒雜菜依個係套餐，所以有餐湯及牛油厚多士，同埋焗薯(或者意粉)；餐湯都足料，唔會太水。三文魚煎得很香，表皮香脆，內裡仲保持嫩滑。焗薯，雜菜都唔錯，調味得幾好，可以食曬。