影片
更多
2018-07-28
767 瀏覽
今晚去灣仔做完野，諗住食啲野先返屋企，之前都提過灣仔有好多食肆，但太多選擇有時真係唔知揀咩好，但朋友就好有主見，拉我地去左間舊式茶餐廳，仲猛話佢啲野好好食🤔。Okay 👌 就試下啦，我地三個人點左三樣小菜：鹽焗雞、咸魚蒸肉餅、梅菜蒸鯇魚。呢度晚市套餐都好抵食，平均五六十蚊一個餸，包中湯、白飯同飲品。每碟餸份量都好大下添☺️。鹽焗雞係我至愛，佢厚肉得嚟唔會乾哂水，肉質實在得嚟又唔會韌，仲好有鹽香味添😋，咁大碟其實真係唔似一人份，不過可能男人食就剛好，因為我地見店內大部份都係男性😁。唔知點解家姐就好鍾意咸魚蒸肉餅，一有機會實點。好大碟，舊咸肉都好大碌，但並唔係死咸嗰隻，可以食的味道唔錯，不過肉質當然冇手琢咁實在啦😏。我唔好魚嘅，但如果鍾意食魚嘅話，呢味梅菜蒸鯇魚就一定要試！好大件好厚肉，蒸嘅時間剛好，肉質冇蒸到老哂或者韌左，仲有少少滑嘅感覺，雖然有好多梅菜舖面但唔會太濃味或太咸，塾底嘅豆卜索哂啲魚豉油好好味呀。成餐飯食得好飽足。不得不提幫我地落單嘅大叔們都好和善，我地諗左好耐先落單佢都冇催我地，蒸餸時間要耐 (20至25分鐘) 佢都有提我地人多等位亦冇趕我地走，不過當然我地都好識做，食完坐一
鹽焗雞係我至愛，佢厚肉得嚟唔會乾哂水，肉質實在得嚟又唔會韌，仲好有鹽香味添😋，咁大碟其實真係唔似一人份，不過可能男人食就剛好，因為我地見店內大部份都係男性😁。
唔知點解家姐就好鍾意咸魚蒸肉餅，一有機會實點。
好大碟，舊咸肉都好大碌，但並唔係死咸嗰隻，可以食的
味道唔錯，不過肉質當然冇手琢咁實在啦😏。
我唔好魚嘅，但如果鍾意食魚嘅話，呢味梅菜蒸鯇魚就一定要試！
好大件好厚肉，蒸嘅時間剛好，肉質冇蒸到老哂或者韌左，仲有少少滑嘅感覺，雖然有好多梅菜舖面但唔會太濃味或太咸，塾底嘅豆卜索哂啲魚豉油好好味呀。成餐飯食得好飽足。
不得不提幫我地落單嘅大叔們都好和善，我地諗左好耐先落單佢都冇催我地，蒸餸時間要耐 (20至25分鐘) 佢都有提我地人多等位亦冇趕我地走，不過當然我地都好識做，食完坐一陣就自動自覺起身走啦。
張貼
