點心到 (廟街)

營業中

休息中

平時好少夜晚食點心，見到有人推介呢間平靚正點心舖，地點就喺佐敦，好方便，決定收工去試下😋 嗌左下面咁多嘢只係一百多啲！黑松露菜苗餃 （$27） 💛💛💛🖤🖤啖啖蝦肉同菜苗撈勻，上面再點上黑松露，雖然蝦肉香味稍微蓋過黑松露，但勝在夠香醬皇金錢肚 （$25） 💛💛💛🖤🖤熱辣辣，金錢肚夠曬入味！黑金流沙包 （$25） 💛💛💛💛🖤一咬開即刻爆漿，麵包鬆軟，奶黃夠曬流心，睇得又食得！籠仔金針雲耳雞飯 （$36）💛💛💛🖤🖤成個飯都有荷葉味，落埋豉油食，夠曬地道。雞都夠滑，整體唔錯。欖仁馬拉糕 （$20） 💛💛💛💛🖤好鬆軟！超級香！入口軟綿綿🥰整體推薦指數：💛💛💛💛🖤