韓燒大叔

營業中

休息中

掃食者啱曬呢間真係勁癲又平又多野食，韓國燒烤自助放題嚟講高CP值之選！款式多，食材新鮮，甜品驚喜！真係驚喜滿滿！餐廳提供嘅款式多到眼花繚亂，由經典嘅韓牛，豬五花，醃製雞肉，到海鮮如大蝦，帶子，全部都好新鮮，肉質鮮嫩，完全冇雪藏味。仲有各式韓式小食，例如韓式雞翼，煎蛋餅、炸物等等，味道正宗，完全唔停口！ 燒烤嘅樂趣在於自己動手，餐廳提供嘅抽風系統做得好好，食完完全唔會成身油煙味。而且價錢勁平，絕對係勁抵食之選！ 最令人驚喜嘅係自助區，除咗有軟雪糕仲有爆谷同格仔餅。近期大熱嘅，開心果蛋糕，外觀精緻，味道濃郁，堅果香氣十足，絕對係必試之選！ 總括而言，呢間韓國燒烤放題性價比極高，無論係肉類品質定甜品種類都超出預期，適合一大班朋友聚餐，一定會再encore！