影片
更多
2021-05-02
217 瀏覽
(下午茶)炸雞髀薯角$42超巨型嘅生炸雞髀 大過隻手板 見到都流曬口水 雞皮炸到脆卜卜 食落唔油 反而好香口 夠鬆化 雞肉醃得入味 切開仲有肉汁流出嚟 夠juicy又夠滑 薯角外皮焦脆 內裡綿軟 口感相當的好(下午茶)冰室金磚$38西多士炸至金黃 賣相真係成粒金磚咁 總共有四磚 即叫即做 上枱嘅時候仲係熱辣辣 牛油瞬間融化 淋上香甜嘅糖漿 味道香甜 即叫即整嘅西多士真係人間美食焗芝士鮮茄豬扒飯$60超足料嘅豬扒飯 真係用咗新鮮蕃茄製作醬汁 酸甜度適中 非常開胃 豬扒事前已經斬件 方便進食 我鍾意豬扒嘅質地 依然有豬扒嘅咬口 我最怕用鬆肉粉醃肉 醃到啲質地怪怪的用咗炒飯底所以零舍香口 而且仲加咗雜豆，粟米粒，紅蘿蔔粒...令到成個口感層次更豐富 有蔬菜配搭感覺更健康紅豆冰跟餐+$7好耐冇飲過紅豆冰 兒時嘅回憶返曬嚟 香滑嘅奶香與軟綿綿嘅紅豆 真係經典嘅配搭 紅豆好大粒又夠棉 超好喝凍奶茶跟餐+$3炎炎夏日 用鐵杯裝夠曬冰凍 茶味香濃入口順滑 奶茶出色午市光顧人流眾多 食客屬於快來快去 所以餐廳好快就安排到位置 餐廳送餐速度快 而且食物水準不錯 份量夠多夠大碟 價錢亦都算合理 難怪咁多客人
(下午茶)炸雞髀薯角$42
超巨型嘅生炸雞髀 大過隻手板 見到都流曬口水 雞皮炸到脆卜卜 食落唔油 反而好香口 夠鬆化 雞肉醃得入味 切開仲有肉汁流出嚟 夠juicy又夠滑 薯角外皮焦脆 內裡綿軟 口感相當的好
(下午茶)冰室金磚$38
西多士炸至金黃 賣相真係成粒金磚咁 總共有四磚 即叫即做 上枱嘅時候仲係熱辣辣 牛油瞬間融化 淋上香甜嘅糖漿 味道香甜 即叫即整嘅西多士真係人間美食
焗芝士鮮茄豬扒飯$60
超足料嘅豬扒飯 真係用咗新鮮蕃茄製作醬汁 酸甜度適中 非常開胃
豬扒事前已經斬件 方便進食 我鍾意豬扒嘅質地 依然有豬扒嘅咬口 我最怕用鬆肉粉醃肉 醃到啲質地怪怪的
用咗炒飯底所以零舍香口 而且仲加咗雜豆，粟米粒，紅蘿蔔粒...令到成個口感層次更豐富 有蔬菜配搭感覺更健康
紅豆冰跟餐+$7
好耐冇飲過紅豆冰 兒時嘅回憶返曬嚟 香滑嘅奶香與軟綿綿嘅紅豆 真係經典嘅配搭 紅豆好大粒又夠棉 超好喝
凍奶茶跟餐+$3
炎炎夏日 用鐵杯裝夠曬冰凍 茶味香濃入口順滑 奶茶出色
午市光顧人流眾多 食客屬於快來快去 所以餐廳好快就安排到位置 餐廳送餐速度快 而且食物水準不錯 份量夠多夠大碟 價錢亦都算合理 難怪咁多客人幫襯啦
下午茶時段除咗有下午茶供應之外 午餐時段亦有客飯供應 每日嘅菜式都會更新 四/五十蚊有個飯 包餐湯及熱飲 簡直係平靚正之選
張貼
