影片
更多
2022-01-02
686 瀏覽
喺何文田食完晏，見閒著無聊，走左落去朗豪坊逛逛。回程時路經上海街，望到轉角位新開左間「紅豆烘焙」，見入面有唔少人喺度買緊麵包，又入去八下。麵包同餅食嘅花款非常之多，既有傳統亦有新派。上次喺佐敦店本來想買近期網上好 hit 嘅法式布丁麵包，可惜撞唔啱時間，今次見到有新鮮出爐，當然唔可以錯過。揀左個焦糖口味，另外仲買左水果泡芙同椰檳。焦糖法式布丁麵包 ($18) 布丁包嘅賣相真係好吸引，外形雖然同蛋撻有幾分相似，但係用上法包做底，食落更加酥香鬆脆，加上入面滑溜 Creamy 嘅蛋漿同頂層脆甜嘅焦糖，十足十係 Crème brûlée 同法包嘅合體，美味！水果泡芙 ($18) 泡芙有藍莓、芒果同士多啤梨三款口味，今次揀左芒果。個泡芙 Size 勁大，而且質感對辦，外層好鬆脆，入面嘅忌廉幼滑又不會過膩，芒果肉甜酸清新，加上分量亦不少，真係令人食得好滿足。另外呢款椰檳 ($16) 味道亦唔錯，成個麵包嵌晒喺錫紙兜內，大大個，面頭脹卜卜，色澤微焦，外表好吸引。包身入口好軟熟，加上香甜的椰絲，啖啖滋味。
喺何文田食完晏，見閒著無聊，走左落去朗豪坊逛逛。回程時路經上海街，望到轉角位新開左間「紅豆烘焙」，見入面有唔少人喺度買緊麵包，又入去八下。
麵包同餅食嘅花款非常之多，既有傳統亦有新派。上次喺佐敦店本來想買近期網上好 hit 嘅法式布丁麵包，可惜撞唔啱時間，今次見到有新鮮出爐，當然唔可以錯過。
揀左個焦糖口味，另外仲買左水果泡芙同椰檳。
焦糖法式布丁麵包 ($18) 布丁包嘅賣相真係好吸引，外形雖然同蛋撻有幾分相似，但係用上法包做底，食落更加酥香鬆脆，加上入面滑溜 Creamy 嘅蛋漿同頂層脆甜嘅焦糖，十足十係 Crème brûlée 同法包嘅合體，美味！
水果泡芙 ($18) 泡芙有藍莓、芒果同士多啤梨三款口味，今次揀左芒果。個泡芙 Size 勁大，而且質感對辦，外層好鬆脆，入面嘅忌廉幼滑又不會過膩，芒果肉甜酸清新，加上分量亦不少，真係令人食得好滿足。
另外呢款椰檳 ($16) 味道亦唔錯，成個麵包嵌晒喺錫紙兜內，大大個，面頭脹卜卜，色澤微焦，外表好吸引。包身入口好軟熟，加上香甜的椰絲，啖啖滋味。
張貼
