二八火鍋 (已結業)

平民高質之《二八火鍋》天氣涼涼地，係時間打邊爐，公司樓下新開左間打邊爐，裝修新凈光猛，一於去試下，餐廳有上下2層，環境舒適，好岩大顆兒烚下烚下，食材和價錢貼地，滿足邊爐癮大起時的食慾。聽聞馬來沙嗲湯底幾好食，所以揀左$128焉鴦鍋(馬來沙嗲湯底 / 雜菌雞湯鍋)，上台濃濃既沙嗲香味，令人食慾大增，雜菌雞湯鍋同樣好香茹味，安格斯封門柳 $198：脂肪不算多，雪花平均，切成薄片既封門柳，口感細嫩，肉味濃郁，鹿兒島黑豚肉 $138：分量算多，唔算太肥,，肉質鬆軟，棉花魚肚 $78：口感軟淋，淥後魚肚吸收哂湯底精華，味道可口，紫菜響鈴 $35：比普通響鈴好食，好香紫菜味，唐生菜 / 皇帝菜 $38：兩款菜都好新鮮，顏色翠綠總括，呢個一啲算貴，店員好客，環境適合傾計。