九町屋

營業中

休息中

炮台山天后木星街水星街附近食肆眾多，又不少事價錢親民的小店。要突圍而出，價錢平是唔夠，還要好食才行。今天就在水星街發現這間日式小食堂，價廉物美，難怪任何時段都滿座。$55就有一碗🏅「和風溫泉蛋燒肉丼」，燒豚肉薄切得啱啱好，入口唔肥膩，仲附送一杯手打凍檸茶，清新解膩，絕對超值！ 再講下$55嘅🏅「醬燒雞扒豬骨湯拉麵」，雞扒嫩滑得嚟完全無柴，豬骨湯濃郁但唔會太鹹，性價比一流。至於🏅「蒲燒鰻魚便當」就更高質，$79有一大塊香滑鰻魚，仲有鰹魚汁煮嘅蘿蔔同冬菇，充滿和風味道；送埋糯米糍，甜滋滋嘅小紫薯和配菜，簡直完美收尾。總結一句：價錢平，份量足，質素又高，呢間小店真係食足三餐都唔怕荷包痛！