金拇指米線 (福至工業大廈) (已結業)

去咗朋友間公司搵佢傾計，講咗一大輪，而家嘅狀況，大部分公司都係經營得好困難架啦，我又無乜嘢可以幫到佢，都係安撫下，聽下佢吐苦水咁啦。跟住就同佢一齊去附近間茶餐廳食飯，佢話價錢非常相宜，仲要有好多唔同選擇。茶餐廳入面好大，有好多位，有個大餐牌寫滿唔同時段嘅食物，真係睇到眼都花。叫咗個雜扒飯，都只係$48，以依家個物價計都真係唔貴。雜扒飯包括有火腿、煙肉、腸仔、雞扒、豬扒，大大份，加上好大份量嘅白飯，真係食唔晒，早知叫佢少飯。豬扒雞扒煎到勁香，外皮香脆而肉質唔會好硬。個餐跟個番茄汁，酸酸甜甜咁，食咗咁多肉都唔會覺得好滯。