泰皇殿

見到餐廳做緊好抵嘅優惠‼️嗌夠$300就可以加$1要咖哩炒青口或者冬蔭公湯😍而且晚市都冇加一，收工唔想煮就去咗食晚餐🥣餐廳由泰國人主理，唔使出九龍城都食到正宗泰國菜。

小食叫左生菜包、好好食既豬頸肉，有陣陣炭燒香，表面微焦，肉質又唔太乾，點泰式醬汁食好惹味。串燒要咗雞同牛，牛肉串燒好出色，燒得夠香口又腍身！

主食要左泰式乾炒牛肉河🐮河粉係粗嘅河粉，口感順滑 ，麵條吸收曬醬汁嘅精華，好入味，值得一試！

1

另外泰式青檸魚有得揀要烏頭或鱸魚，酸酸辣辣開胃，魚肉嫩滑，有個蠟燭熱住條魚住保持溫度，推薦💯

🈹加$1優惠我哋要左冬陰功湯，個湯仲要勁足料，有成3隻大蝦，份量for 2至3人都好夠👍🏻

📍#泰皇殿 (#荃灣美食)
#荃灣 鱟地坊48-68號祐建樓地下B號舖