影片
更多
2022-09-27
83 瀏覽
我諗呢間舖頭 - 馬泰，改呢個名就係因為佢主要sell馬來西亞同泰國嘢食，揭開menu見到有肉骨茶、喇沙、海南雞，仲要每樣都係$70-$80，就知啱心水啦～入到鋪頭，鋪面感覺唔算好fancy，有種好地道嘅感覺，佢牆身個架放滿咗唔同嘅調味料，仲有啲插畫。咁耐冇去旅行，真係令人聯想起泰國、新加坡啲街邊小炒同熟食中心🥹店員都幾貼心，一入去就放低口罩套、濕紙、兩杯水，街邊舖頭仔嚟講，都真係服務得幾周到！馬來海鮮摻摻喇沙唔好見佢$76就低估咗佢，一夾起，原來成碗譚仔過橋咁大，兩個人食都得。呢個價錢嚟講，有蜆、魷魚、鮮蝦咁多款海鮮，都真係良心小店！蝦味、咖哩香及椰香都齊晒，濃而不膩，我眼光真係唔錯。肉骨茶肉骨茶啲藥材都足，因為我飲到最底嘅時候，見到好多好細粒嘅湯渣。最明顯係啲杞子，多到鋪滿咗成個湯，食完隻眼blingbling明亮。最抵讚係啲肉骨！我平時最怕啲肉骨瘦蚊蚊/肌肉萎縮/成條柴咁，但呢間煮得好冧，但係又唔會一夾即散，80歲阿婆都食到！馬拉盞炒秋葵我自己炒秋葵，成日都炒到滑潺潺，所以我都費事麻煩，成條拎落去炒。一開始我睇menu圖片，見到佢切晒一粒粒咁樣，都有驚過會中伏。但係勢估唔到，嚟到
入到鋪頭，鋪面感覺唔算好fancy，有種好地道嘅感覺，佢牆身個架放滿咗唔同嘅調味料，仲有啲插畫。咁耐冇去旅行，真係令人聯想起泰國、新加坡啲街邊小炒同熟食中心🥹
店員都幾貼心，一入去就放低口罩套、濕紙、兩杯水，街邊舖頭仔嚟講，都真係服務得幾周到！
馬來海鮮摻摻喇沙
唔好見佢$76就低估咗佢，一夾起，原來成碗譚仔過橋咁大，兩個人食都得。呢個價錢嚟講，有蜆、魷魚、鮮蝦咁多款海鮮，都真係良心小店！蝦味、咖哩香及椰香都齊晒，濃而不膩，我眼光真係唔錯。
肉骨茶
肉骨茶啲藥材都足，因為我飲到最底嘅時候，見到好多好細粒嘅湯渣。最明顯係啲杞子，多到鋪滿咗成個湯，食完隻眼blingbling明亮。最抵讚係啲肉骨！我平時最怕啲肉骨瘦蚊蚊/肌肉萎縮/成條柴咁，但呢間煮得好冧，但係又唔會一夾即散，80歲阿婆都食到！
馬拉盞炒秋葵
我自己炒秋葵，成日都炒到滑潺潺，所以我都費事麻煩，成條拎落去炒。一開始我睇menu圖片，見到佢切晒一粒粒咁樣，都有驚過會中伏。但係勢估唔到，嚟到又完全冇，同埋馬拉盞都炒得幾香。
薏米水、椰青
叫嘢飲嘅時候唔記得望吓隔籬枱，原來佢啲特飲好鬼吸引！我見隔離飲緊芒果沙冰，仲有個成板豆奶插落杯野度嘅🥹我就叫咗個薏米水，甜到適中。椰青就比我想像中大個，都開心嘅，但係好似冇特飲咁開心囉🥹
張貼