牛丼家

營業中

休息中

原來係旺角站附近開左呢間連鎖牛丼店，今日和朋友諗住去試下，點餐方式都係預先櫃檯點，然後等叫號碼自己囉，餐廳分左2層，如果食火鍋記住上第二層，先有電磁爐檯。牛魔王飯今次揀左招牌牛魔王飯，原來係手打漢堡牛排飯，漢堡扒又厚切勁大塊，好抵食，加埋秘制牛魔王汁，味道好夾。跟餐仲可以揀小食和飲品，小食方面就揀左炸雞，都係即叫即炸，飲品就叫左白桃汁。以前讀書時代經常都會食吉邊，估唔到呢一間都有一人一鍋，天氣又凍，梗係叫一鍋懷緬吓啦。今次揀咗壽喜燒湯底，同樣都有肥牛，蟹柳，豆腐，蔬菜仲有烏冬，呢個價錢有咁多嘢食真係好抵。肥牛份量都唔少，加埋彈牙幼身烏冬，抵食飽肚精選。下次一於試埋其他牛丼飯先，或者再黎食個一日一鍋都好開心。