鮨岐

營業中

休息中

豬軟骨石鍋飯定食定食嘅食物非常之豐富， 除咗主食嘅豬軟骨石鍋飯之外，仲包咗一個茶碗蒸，一個沙律， 一碗麵豉湯，甜品仲有黑加侖子味啫喱， 保證你一定食得飽。 咁豐富嘅定食都只係賣88蚊，性價比可謂非常之高。味道方面，茶碗蒸食落嫩滑，帶小小雞湯味，裏面有一片冬菇同埋一忽仔嘅渦輪卷， 料唔算多。 沙律簡單一啲菜半粒蕃茄， 冇乜特別。 啫喱味道唔會話好淡 ，普通啫喱粉開水凝固而成。 煮食豬軟骨石鍋飯熱辣辣， 上面有一隻生雞蛋 。將生雞蛋，豬軟骨同啲飯搞勻之後，食落都幾入味幾好食。啲飯乾爽，配上豬軟骨嘅少許醬汁味道啱啱好。 豬軟骨幾林可以連骨頭都食埋， 整體嚟講唔錯。