影片
更多
2005-05-12
51 瀏覽
想食餐好o的o既日本o野好耐，不過一直未有時間(亦唔捨得)去，所以就就地腳o係屋企附近食返餐港式日餐頂住癮先~黎呢度食日式o野當然唔可以要求高，不過價錢好經濟，$88 蚊已經有個自選二人套餐。呢個套可以自選兩款前菜、三款剌身同三款料理，另外包括白飯、麵豉湯、雪糕同兩杯餐飲。前菜揀了八爪魚仔及蟹子沙律。兩款都係普通之作，不過呢兩樣又好難整得難食o既.......剌身揀了八爪魚、赤貝及北寄貝。每款有三片，尚算新鮮，不過好薄同好細片。主菜就揀了釀雞翼、泡菜豬肉及金菇牛肉卷。釀雞翼一人一隻，係去骨雞中翼連雞翼尖，釀入菜肉餡然後封口煎成。幾特別而且燒汁做得唔錯。泡菜豬肉好大碟，唔係用泡菜而係用泡菜汁煮紹菜同豬肉，不過索晒o的汁後又幾好食。金菇牛肉卷有三大件，都幾好味，不過女友話食到有怪味，我又唔覺喎........麵豉湯係開粉果隻，芝麻雪糕好大球，飲品方面加$2可以轉台式特飲，要左朱古力雪香，入口幾滑，不過甜左少少。埋單$92，我覺得抵食！！
黎呢度食日式o野當然唔可以要求高，不過價錢好經濟，$88 蚊已經有個自選二人套餐。
呢個套可以自選兩款前菜、三款剌身同三款料理，另外包括白飯、麵豉湯、雪糕同兩杯餐飲。
前菜揀了八爪魚仔及蟹子沙律。兩款都係普通之作，不過呢兩樣又好難整得難食o既.......
剌身揀了八爪魚、赤貝及北寄貝。每款有三片，尚算新鮮，不過好薄同好細片。
主菜就揀了釀雞翼、泡菜豬肉及金菇牛肉卷。釀雞翼一人一隻，係去骨雞中翼連雞翼尖，釀入菜肉餡然後封口煎成。幾特別而且燒汁做得唔錯。
泡菜豬肉好大碟，唔係用泡菜而係用泡菜汁煮紹菜同豬肉，不過索晒o的汁後又幾好食。
金菇牛肉卷有三大件，都幾好味，不過女友話食到有怪味，我又唔覺喎........
麵豉湯係開粉果隻，芝麻雪糕好大球，飲品方面加$2可以轉台式特飲，要左朱古力雪香，入口幾滑，不過甜左少少。
埋單$92，我覺得抵食！！
張貼