元洲牛肉麵 (青華閣) (已結業)

做完嘢經過長沙灣呢邊，就搵啲嘢食下！諗諗吓食麵都好，就試咗呢間元州牛肉麵。老闆同侍應都好好人，即刻所有感受都提升晒。我點咗幾樣嘢：招牌元州牛肉麵呢碗麵真係沒得輸！三大舊牛肉喎，真係食完都已經飽咗，又煮得好軟身，湯又煲得濃，麵條又爽身。真係大滿足！芝麻二節雞翼佢一碟3隻，好味到我全部食晒！外皮煎得香甜又脆，個味道又調得有少少蜜糖的甜但又不會太多。 恰到好處！醉雞老闆另外特意推介，真係有驚喜。首先雞真係完全沒雪味，之後個汁係好鮮甜。下次來真係可以再食。