中島水產

營業中

休息中

夜晚收工已經差不多9點，月頭已經糧尾咁款，諗住行下Aeon超市搵啲平野食下，點知俾我發現壽司櫃嘅壽司併盤做緊半價促銷，外觀望落仲好新鮮，二話不說買返盒回家品嚐。壽司併盤有6款壽司，每款2件，分別有三文魚、帶子、北寄貝、墨魚、鰻魚、赤海蝦，除左鰻魚冇乜味道之外，其他的魚生仍好新鮮，沒有腥味，帶子肥美，赤海蝦肉質仍維持爽甜，三文魚、墨魚和北寄貝正常水準，供盤內附2包豉油和2包Wasabi，仲有1包酸薑，夠哂誠意，用平民嘅價錢可以享受到中高檔的壽司，終於可以有爭鮮以外嘅選擇。