劉森記麵家 (元州街) (已結業)

黎到糧尾，自然想搵啲平民價錢嘅嘢食，一路都知道深水埗嘅劉森記食麵好出名，但係成日都人頭湧湧，聽朋友介紹，去長沙灣分店容易啲有位，咁又唔係行得好遠，我哋就專程由深水埗行過去長沙灣分店啦。叫咗出名嘅雲吞撈麵，雲吞細細隻啱啱好可以一啖一隻，裏面嘅蝦有小小嘅胡椒味，更加可以帶出蝦嘅鮮味。幼身既麵條好彈牙，果然係做竹昇麵嘅專家。黎食嘢記住唔好忘記枱面上面嘅醃蘿蔔，酸酸甜甜，非常開胃，試過返唔到轉頭，會係咁添。