袁記雲餃

營業中

休息中

今日來到深水埗食呢間好多分店嘅餃子店，其實都成日喺唔同嘅地方見到，一直都扚起心肝食，始終覺得連鎖舖頭嘅質素會唔會唔係太好呢？但深水埗嘅圓方餃子我真係食過好多次想食吓第二間，咁就試伏嘅心態去嘗試啦，首先佢間鋪真係好乾淨，喺觀感上真係加咗好多分數，價錢亦都好公道，喺我心目中餃子一定要係韭菜餃，冇計呢個係北方嘅傳統，所以我就叫咗12隻韭菜餃套餐，揀最傳統嘅清湯，因為我想食到新鮮餃子嘅鮮味，加咗個油菜同埋凍豆漿，可以先講講個餃子，真心驚喜，佢係最傳統嗰隻厚皮，點解會話係厚皮好呢？因為喺高溫烹煮過之後嗰啲豬油就會溶咗落去韭菜嗰度，薄皮就會好易煮到佢爛啲肉汁流走，厚皮就可以完美鎖住啲豬肉嘅汁，加上佢嗰啲豬肉嘅餡料係冇雪櫃味，因為好多舖頭佢包落去嗰下係新鮮，但係佢嘅材料都係雪住，而佢呢個處理得好所以佢就冇呢個問題，真係值得一讚，至於油菜就正正常常冇乜好講，但佢哋嘅豆漿真係唔啱我口味，有別於我哋由細飲到大個隻，味到偏淡口冇乜豆味，鹹魚青菜，各有所愛。