鴨仔冰室 (已結業)

觀塘呢個地方一向人多車多餐廳多，千挑萬選之下，朋友揀咗鴨仔冰室嘅Lunch Set做我地今日嘅午餐。先講價錢大眾化，一啲都唔貴。款式都多配搭。我揀咗最愛嘅「西冷牛扒配炸蝦薯蓉」幾款汁選擇，蘑菇汁好特別，一於試下。估唔到味道好夾，好味。牛扒唔靭豐富肉汁👍🏻炸蝦依然脆卜卜😋朋友揀「什菌松露燴飯+雞胸」雞肉啖啖肉，配燴飯一流。+$12仲可以轉特飲，熱辣辣嘅天氣，飲杯雜果冰同菠蘿冰，即時解暑👍🏻即叫即製，返到屋企仲係暖笠笠，外賣嘅關係...店員溫馨提示，將雞胸放在Risotto下面，保留餘溫，免得拎到返去會凍咗，好貼心呀😍價錢唔貴午餐都咁有質數，疫情過後可以晚餐時間再嚟堂食。