御品·千之味 (Eastmark)

營業中

休息中

九龍灣千之味分店近排推出咗60分鐘放題，$188再加一就食到60分鐘壽司放題，性價比超高，完全啱晒我同我老公！我就梗係唔執輸同埋我老公一齊去食啦！❤️❤️超過50款食物，有壽司、軍艦、小食、炸物等，仲有各種茶飲/汽水！而我最鍾意嘅係花之戀壽司！外面勁厚嘅三文魚，仲有沙律醬同滿瀉嘅蟹籽！我都點咗兩轉💓再嚟就係佢啲炸物真係即叫即整，上到枱仲熱辣辣！最鍾意食就係天婦羅蝦同炸蠔！真係勁新鮮勁好味！✨仲有其他多款唔同嘅壽司，例如帶子，左口魚邊，火焰三文魚，赤蝦等，同埋我同我老公最鍾意嘅辣味三文魚軍艦同芥辣八爪魚軍艦！真係好食到下次一定會再返嚟🫶🏻