Route 83 (廣福道)

營業中

休息中

又係唔知食乜好既情況下，行行下黎到呢間，發覺原來係一間好有特色既餐廳。牆上面好美式既鐵牌、書架等等，令到呢個餐廳好有格調。叫左個漢堡餐，個漢堡好厚好大個，個包面好貼心分開放，因為怕放係頂就好快比d芝士同汁整溶，於是個包keep到好脆口。佢個份量好大，個漢堡夠厚，加上有炸得香脆既薯條，所以食得超飽。至於呢個扁意粉，我好欣賞佢個厚度，咬落好有質感。不過可能係蕃茄醬為主，所以成碟食物都比蕃茄搶晒味，結果食落個味道無乜層次，好似食極都係用一隻味同一個感覺咁。所以都係漢堡高質d！另外，呢度環境幾舒服，值得一讚。