影片
更多
2022-07-23
749 瀏覽
今日同同事諗住快快脆脆去到餐廳食個晏12:45已經去到餐廳，嗰陣唔係好多人，但唔知點解就俾咗一個好差嘅位我哋坐。我哋坐咗係一個platform上嘅座位，極度唔穩陣，每個人一踏上個platform我張凳就會沉落去，坐得好唔舒服。我同同事已經即刻落咗order，但係等咗勁耐都未上到菜。我嗌咗蔬菜青咖喱，而我同事嗌咗雞肉青咖喱。佢嗰個已經一點十幾分就出咗。我都等咗一陣但係我嗰個未出，而我係要趕時間，所以就問佢幾時有我嗰個，佢話廚房要等煮多幾分鐘咁。佢1:30先比到飯我，即係我要等咗九個字先食到個飯。仲要我個蔬菜青咖喱其實係只係個雞肉青咖喱冇咗啲雞肉，大家嘅蔬菜都係一模一樣，蔬菜嘅份量好似小過我同事食嗰個雞肉青咖喱。我個同事個咖喱睇落去靚靚囝囝呀，都見到佢係有少少心機想好似擺靚啲咁樣啦，但我嗰個真係求求其其咁俾我，個賣相勁核突好似差好求其。我睇見真係喊咗出嚟。仲要食食吓，啲人行過個platform，我就每一次都要feel到佢哋行路，坐得好辛苦。好明顯嗰個位原本唔係有張枱嘅，而係夾硬搭咗個platform出嚟，可以做到多啲客有多啲生意咁。但係佢個廚房根本cater唔到咁多人，出餐又慢。成間餐廳坐
12:45已經去到餐廳，嗰陣唔係好多人，但唔知點解就俾咗一個好差嘅位我哋坐。我哋坐咗係一個platform上嘅座位，極度唔穩陣，每個人一踏上個platform我張凳就會沉落去，坐得好唔舒服。
我同同事已經即刻落咗order，但係等咗勁耐都未上到菜。我嗌咗蔬菜青咖喱，而我同事嗌咗雞肉青咖喱。佢嗰個已經一點十幾分就出咗。我都等咗一陣但係我嗰個未出，而我係要趕時間，所以就問佢幾時有我嗰個，佢話廚房要等煮多幾分鐘咁。佢1:30先比到飯我，即係我要等咗九個字先食到個飯。仲要我個蔬菜青咖喱其實係只係個雞肉青咖喱冇咗啲雞肉，大家嘅蔬菜都係一模一樣，蔬菜嘅份量好似小過我同事食嗰個雞肉青咖喱。我個同事個咖喱睇落去靚靚囝囝呀，都見到佢係有少少心機想好似擺靚啲咁樣啦，但我嗰個真係求求其其咁俾我，個賣相勁核突好似差好求其。我睇見真係喊咗出嚟。
仲要食食吓，啲人行過個platform，我就每一次都要feel到佢哋行路，坐得好辛苦。好明顯嗰個位原本唔係有張枱嘅，而係夾硬搭咗個platform出嚟，可以做到多啲客有多啲生意咁。但係佢個廚房根本cater唔到咁多人，出餐又慢。成間餐廳坐滿晒人，就係個個都要等勁耐先有嘢食。而一啲遲我好多入嚟嘅人都比我更加快有嘢食，所以都好明顯係佢唔記得咗我張單，漏咗但又唔肯自己承認。
講返佢嘅食物味道，我覺得個咖喱係普普通通，可能因為我肚餓啦，不過有啲偏辣。但係佢杯奶茶真係好差，好似水咁淡，冇奶亦都冇茶嘅味。所以佢哋嘢食嘅味道有幾好都搭救唔到一個咁差嘅體驗，我諗我唔會再去呢間度食。
蔬菜青咖哩
77 瀏覽
0 讚好
0 留言
多謝你睇完呢個review，希望你唔會好似我咁樣中咗個伏
張貼
