一葉小廚 (已結業)

相信好多香港人都會有一個煩惱，就係「諗唔到食咩」，唔知幾時開始食飯都變左一個麻煩。其實平日食飯只要唔係大時大節，又或者同女仔撐檯腳，只要餐廳食物水準尚可、價錢親民，已經好滿足。呢間「一葉小廚」開張時間大約在19年年底左右，由於位置較近屋企，平日中午間中都會自己，或者同屋企人係度食飯。今日我就叫左一碗紅燒牛肉麵，套餐價錢$55，包一杯熱飲，一般凍飲就加$3。由於本人比較鐘意食辣，所以牛肉麵加左麻辣湯底。牛肉麵的整體味道尚可，湯底稍微有一點偏鹹和油膩，口味清淡的朋友就唔太適合。至於麵，餐廳採用了粗麵，令到麵身比較煙韌。牛肉燜得好軟，食個陣唔會有塞牙縫的情況。飲品方面，跟餐加$8要左一杯珍珠奶茶，除了珍珠偏硬，份量同味道和出面連鎖珍珠奶茶店$20一杯的奶茶相約。最後埋單$63。總結：味道一般，適合閒日中午就近食飯後記：食完總覺得呢間一葉小廚的食物出品同以前食過的一間「墾丁茶房」非常相似，上網查核後發現原來兩間餐廳都同屬大快活集團。