影片
更多
2017-12-27
388 瀏覽
是日聖誕節前夕，適逢假日，就梗係同朋友出去玩架啦，由於呢個星期晚上某主題公園免費入場，入場人數眾多，影完相出黎都成9點鐘，所以就係附近食晚飯啦。由於唔知會玩到幾多點，我地無預先訂檯，可能因為到餐廳既時候已經好夜，所以唔洗等位。坐低之後我地好快就揀好野食啦。酸辣鳳爪沙律:頭盤我地叫左個鳳爪沙律，鳳爪都算幾多，入口酸酸地，帶微辣，而且係無骨既，咁就唔洗吐骨啦，好方便。俾酸辣汁浸過既沙律菜，入口酸酸地，非常醒胃，值得一讚。紅咖喱雞配蒜蓉包:主菜我地叫左紅咖喱雞，另配一客蒜蓉包。紅咖喱雞份量都算多，兩個人share食剛剛好，配埋熱辣辣既蒜蓉包，點住咖喱汁食，真係好有泰式風味。冬蔭功湯(細):食泰國野又點少得飲返個冬蔭功湯呀，呢度既冬蔭功湯有三個SIZE，分別係大, 中, 同埋細，由於我地人少，即使中同埋大有幾抵都好，都只能叫個細。細既冬蔭功湯大約有三大碗，香料十足，配料有好多蝦同菇，上檯時仲夠熱，入口又香又辣，非常好味。呢度既食物相當唔錯，服務都幾好，只係地點偏遠，去完黃竹坑既主題公園玩之後黎食飯，都係一個唔錯既選擇。
由於唔知會玩到幾多點，我地無預先訂檯，可能因為到餐廳既時候已經好夜，所以唔洗等位。坐低之後我地好快就揀好野食啦。
酸辣鳳爪沙律:
頭盤我地叫左個鳳爪沙律，鳳爪都算幾多，入口酸酸地，帶微辣，而且係無骨既，咁就唔洗吐骨啦，好方便。俾酸辣汁浸過既沙律菜，入口酸酸地，非常醒胃，值得一讚。
紅咖喱雞配蒜蓉包:
主菜我地叫左紅咖喱雞，另配一客蒜蓉包。
紅咖喱雞份量都算多，兩個人share食剛剛好，配埋熱辣辣既蒜蓉包，點住咖喱汁食，真係好有泰式風味。
冬蔭功湯(細):
食泰國野又點少得飲返個冬蔭功湯呀，呢度既冬蔭功湯有三個SIZE，分別係大, 中, 同埋細，由於我地人少，即使中同埋大有幾抵都好，都只能叫個細。
細既冬蔭功湯大約有三大碗，香料十足，配料有好多蝦同菇，上檯時仲夠熱，入口又香又辣，非常好味。
呢度既食物相當唔錯，服務都幾好，只係地點偏遠，去完黃竹坑既主題公園玩之後黎食飯，都係一個唔錯既選擇。
張貼
