吉列牛忌廉烏冬專門店 (百樂中心) (已結業)

呢期頻頻出街食晏晝，今日又跟同事出去食好嘢，嚟咗呢間吉列牛忌廉烏冬專門店，當然要叫個招牌菜吉列牛套餐($148)，驚四個人唔夠分仲追加多一份($98)。另一個招牌菜忌廉烏冬（$78），當然都有叫，今次就試咗雞肉，上枱嘅時候覺得真係好靚，全個碗面都係忌廉，打得好滑，仲有少少蔥花，真係估唔到佢內有乾坤，裏面竟然係咖喱烏冬，食嘅時候撈勻晒，又唔會覺得忌廉唔夾，幾得意。至於吉列牛，一份其實都唔少，仲配有一碗麵豉湯、一碗飯，同埋一啲沙律前菜等。追加嗰份同原先嗰份基本上一樣，只係冇咗飯湯同前菜，牛肉既表面已經用吉列方法處理過，食之前只需放喺一個好似石造嘅器皿上燒，燒到你自己鍾意嘅生熟程度就可以了！可以點幾款唔同嘅醬汁，基本上都好好味。除此之外，我哋仲叫咗一個「美國頂級牛厘脊套餐」（ $178 ），仲配埋$38嘅鹹蛋薯條。我就唔係好知乜嘢叫做牛厘脊，不過就覺得好入味同好腍，加埋堆洋蔥一齊食，好香呢！至於鹹蛋薯條，又估唔到幾好食，本身我唔係特別鍾意鹹蛋，但係呢個薯條整得好香，又脆又熱！仲有一個午餐，係日式鰻魚炒飯配流心蛋（ $78 ），鰻魚汁好香，除咗鰻魚仲有啲菇同芝麻，加埋隻流心蛋，撈埋蛋汁成個飯好