鴻運車仔麵

營業中

休息中

本人已經係呢間車仔麵檔食過好多次，只要諗唔到食咩就會食，價錢相宜又好食！有好多餸俾人揀！當中有三款自己最喜歡，亦推介大家去試！第一係蘿白，清甜無渣，必試！第二係自家製餃子，店員會係舖頭到包，有韮菜同椰菜餃揀，個人就喜歡椰菜餃，有啲木耳，爽口！第三係豬腸，並唔係普通白烚，見過外面有好多食店都係白灼。呢間滷到啲豬腸好入味，完全無臭味另外湯底有清湯，牛腩，沙嗲同咖哩汁。個人中意腩汁加咖哩呢個配撘，辣辣地，好滋味！怕辣可以食沙嗲，唔辣！最後提提大家，記住星期三舖頭休息唔開！唔好摸門釘！同埋店舖坐位比較少，有機會午餐同晚餐要等位！大家記得留意啊