光榮冰室 (厚福街) (已結業)

今時今日喺尖沙咀要搵到50蚊內嘅快餐少之有少，光榮係其中一間，平得嚟又好食。去過2次，2次都係食晏。而且好多人排隊，証明光榮喺尖沙咀地區都係熱門嘅餐廳。睇相都睇到佢個蛋有幾juice。呢個滑蛋沙嗲牛肉飯性價比高，大大碟，記得好似只係45蚊，而且凍飲係唔使加錢。沙嗲牛好夠味，亦都有好多片牛肉，食到食完個飯都未食哂啲牛。滑蛋加埋沙嗲牛非常好食。之後有一次食過蔥油雞扒飯，雞排煎到好香，再淋埋蔥油上去，絕配。