川味香

營業中

休息中

夜晚突然好想食串燒, 喺紅磡經過呢間小店就入咗去食晚餐, 滿足一下我想食串燒嘅願望！餐牌上嘅款式選擇多, 可以揀唔辣、小辣、中辣、大辣🌶。食物價錢親民, 抵食呢！🥢肉類推介厚切牛舌心！牛舌好爽彈, 厚身得嚟一啲都唔韌, 用孜然粉調味, 充滿川式風味～另外仲試咗日本鹿兒島一口豚, 一口size, 豚肉肉質嫩, 咬落有肉汁, 一啲都唔乾身🥢蔬菜類點咗豆卜、鮮冬菇、秋葵, 各款調味都唔錯, 最鍾意係鮮冬菇, 好多汁, 而且有超濃嘅蒜蓉味🥢川式炒飯裏面嘅配料都幾多, 炒得好香, 又有鑊氣, 米飯粒粒分明🍚, 加入炒蛋、青豆、蘿蔔粒、香腸, 每一啖都食到啲配料, 調味唔錯👍🏻