鴨仔冰室 (已結業)

朋友係喱頭放工，近近地入左去喱間睇落去有少許懷舊感覺既平民價西餐廳食飯（全晚有部黑膠機播緊慢歌）。應該因為係工廠區夜晚時份，所以唔算多人。不過係極之炎熱既天氣情況底下，雖然係open area，都坐得舒服既。綠豆湯＆沙律我一向都好愛鐵板餐，一坐底就叫左個２個晚餐套餐。套餐前菜可以選擇餐湯或者沙律，當日既餐湯係綠豆湯，味道濃郁同特別；而沙律既菜新鮮，非常開胃（沙律油唔足夠略遜一籌）鵝肝配牛扒鐵板話明鐵板，當然要人倒醬汁落塊牛扒既時候，滋滋咋咋先香口。牛扒肉質幾好，筋位唔多，味道不錯，因為上菜前已經煎過（有一格格既印係塊扒到），略為太熟。朋友加左＄２８蚊配鵝肝，當然唔期望入口即融果種，但厚度味道尚可。海鮮燴飯海鮮燴飯有蟹肉，3隻蝦及3隻藍青口，不過以意大利飯來說，飯粒太軟，不過份量充足，食材處理還可以接受，味道中規中距，未算驚喜。意式奶凍整體前菜＋主菜份量對我地黎講已經足夠，最後只係加左一個意式奶凍，味道正常，奶味唔算重，我口味偏淡，奶凍最面層的士多啤梨醬太甜，但整體尚算香滑。