嘉樂冰廳 (U PLACE) (已結業)

今日同阿仔放學行去地鐵站途中，阿仔話好肚餓想食完晚飯先返屋企😂，見附近有一棟新住宅瑧尚，行過就見到地下有一間“嘉樂冰廳”，於是走入去試下😆。店舖裝潢簡潔整齊，坐位空間闊落，最特別是這間冰室有室外及室内兩個部份😮，室外部份令人感覺舒適開揚🤗，室內就充滿懷舊風情🥰。咖哩吉列豬扒飯 $57豬扒🐖外層炸粉幾薄，炸得非常香脆😍，因為咖哩汁另上，所以豬扒可以保持脆口，非常好味😋。超厚雞蛋鹹牛肉三文治 $36 烘底 +$2蛋🥚不但超厚而且超滑，加上鹹香的碎牛🐂，味道更豐富😋。酥炸鮮蝦雲吞(5️⃣粒) $24餡料飽滿，豬肉🐖同蝦肉🦐的比例剛剛好，炸得非常香脆😍。豉油皇雞翼(3️⃣隻) $24味道有別於一般豉油皇雞翼🐓，個人覺得似偏向濃味的瑞士雞翼，皮滑肉香😋。脆炸雞髀 $36即叫即炸雞髀🍗，非常熱辣辣🔥又香口，好食😋。忌廉溝鮮奶 $23忌廉及鮮奶🥛分開上，自由調配幾特別又好味，充滿兒時回憶🥰。涼粉奶茶冰 $25奶茶有茶味而且甜度剛剛好，加上涼粉非常好飲😋。總括而言，食物平、靚、正，環境舒適乾淨，有種懷舊冰室的感覺，而且店員服務態度良好又勤快，價錢合理，無加一服務費，值得再次回訪。