更多
2021-12-17
458 瀏覽
位於大坑小巷京街內的一間茶餐廳,門面好普通,但我每次嚟到大坑總不自覺地又行咗入去。店內只有簡陋的6-7張枱,門口亦都有少量座位方便食煙🚬的食客,更可以睇到架車。20多年前我在附近工作,由同事介紹第一次接觸到呢間茶餐廳,我哋稱他為「豬扒仔」。一食就食咗20幾年。點解叫「豬扒仔」呢?因為佢啲豬扒好食,叫一碗豬扒麵,有兩大塊切好的豬扒,肉質鬆軟,一食難忘。價錢仲好經濟實惠。今日朝早送完兩個女返學,又來回憶下。叫了一個招牌撈麵。面底淋上黑豉油,上面鋪滿左餸,有一大塊豬扒, 火腿, 牛餐肉,煎蛋,菜。加埋杯熱奶茶,盛惠只是$33。有些地方食的是回憶,但呢間食的是回憶和味道。價錢平,但食物質素絕無將貨就價,用心製作,仍是20多年前的味道。老闆仍是20多年嗰位,一間家庭式經營的平民小店,值得支持。
店內只有簡陋的6-7張枱,門口亦都有少量座位方便食煙🚬的食客,更可以睇到架車。
20多年前我在附近工作,由同事介紹第一次接觸到呢間茶餐廳,我哋稱他為「豬扒仔」。一食就食咗20幾年。點解叫「豬扒仔」呢?因為佢啲豬扒好食,叫一碗豬扒麵,有兩大塊切好的豬扒,肉質鬆軟,一食難忘。價錢仲好經濟實惠。
今日朝早送完兩個女返學,又來回憶下。叫了一個招牌撈麵。面底淋上黑豉油,上面鋪滿左餸,有一大塊豬扒, 火腿, 牛餐肉,煎蛋,菜。加埋杯熱奶茶,盛惠只是$33。
百搭早餐
$33
39 瀏覽
0 讚好
0 留言
有些地方食的是回憶,但呢間食的是回憶和味道。價錢平,但食物質素絕無將貨就價,用心製作,仍是20多年前的味道。老闆仍是20多年嗰位,一間家庭式經營的平民小店,值得支持。
張貼