影片
更多
2007-06-07
44 瀏覽
我係常客o黎o架！！開咁耐幫襯咁耐，平日都會落去食，所以大大話話都幫襯左都有7 年，咁岩經過見有呢個post，我都分享下先，遲下去食再post d 相上o黎。呢間係深水少有到可能只係得一間唔單止抵食，連味道都非常好o既舖頭。呢間舖頭煮野食從來唔會用味精，非常健康。果度最好食o既係燒物，首推係鹽燒鯖魚、再選係銀雪魚西京燒、重有鹽燒三文魚骨亦都係上上之選，好彩果日有貨的話整兩隻燒大蝦保證你地話正。在此唔建議一兩個人去食果陣係同一時間一次過叫太多燒物，因為燒物一定要趁熱食先可以食到鮮味，人太小一次過叫太多燒物好容易會食唔切而凍哂，咁就一定會影響味道。(事實上去邊度食燒物都係要趁熱食o既..... )唔單止燒物好食，其鎮店之寶三文魚頭魚奶湯係我去過港九好多間日本鋪頭飲，都未試過好似呢間咁好味，去果度一定要飲呢碗湯；遠唔講，就深水所有日本食店整呢碗湯都唔夠呢間咁好飲，真係試下你地就知。清少少o既可以炒碟野菜o黎送酒都ok，d 菜新鮮、用料適中之餘又少油，亦係推薦之選。一人去食當然係食定食啦，好味抵食之餘重有壽司送。多人去食的話建議要食「前」，果度有二人前、三人前或四人前俾客人揀，最貴果個四人前2
我係常客o黎o架！！開咁耐幫襯咁耐，平日都會落去食，所以大大話話都幫襯左都有7 年，咁岩經過見有呢個post，我都分享下先，遲下去食再post d 相上o黎。
呢間係深水少有到可能只係得一間唔單止抵食，連味道都非常好o既舖頭。
呢間舖頭煮野食從來唔會用味精，非常健康。
果度最好食o既係燒物，首推係鹽燒鯖魚、再選係銀雪魚西京燒、重有鹽燒三文魚骨亦都係上上之選，好彩果日有貨的話整兩隻燒大蝦保證你地話正。
在此唔建議一兩個人去食果陣係同一時間一次過叫太多燒物，因為燒物一定要趁熱食先可以食到鮮味，人太小一次過叫太多燒物好容易會食唔切而凍哂，咁就一定會影響味道。(事實上去邊度食燒物都係要趁熱食o既..... )
唔單止燒物好食，其鎮店之寶三文魚頭魚奶湯係我去過港九好多間日本鋪頭飲，都未試過好似呢間咁好味，去果度一定要飲呢碗湯；遠唔講，就深水所有日本食店整呢碗湯都唔夠呢間咁好飲，真係試下你地就知。
清少少o既可以炒碟野菜o黎送酒都ok，d 菜新鮮、用料適中之餘又少油，亦係推薦之選。
一人去食當然係食定食啦，好味抵食之餘重有壽司送。
多人去食的話建議要食「前」，果度有二人前、三人前或四人前俾客人揀，最貴果個四人前200 蚊有找，全部都保證有足夠分量俾選擇相對數目o既「前」o既客人。
果度o既老闆同老闆娘都好好人，老闆同伙記o既關係亦唔係出面d 鮮明o既上司下屬關係，佢地好似一家人咁。我地呢d 熟客自然係會同老闆佢地打成一片啦。
「o黎呢度果度唔係食裝修，係食味道同埋感受到家庭溫暖。」老闆娘成日都咁同d 客講o架。
不過又講得岩喎，如果係對裝修o既要求一般，而著重對味道同埋「家」o既感覺的話，不妨去試下。
張貼