影片
更多
2022-09-08
30 瀏覽
🕌尖沙咀 重慶大廈特式腰果杏仁咖哩雞燒烤拼盤🕌食咗幾次印度唔同的印度餐廳，今次話說有人未去過重慶食印度菜，見我成日食話要帶佢去試吓，今日就揀咗重慶大廈入面一間印度餐廳試吓🕌未去過重慶大廈的朋友會有啲怕門口的拉客仔好熱情，當行到門口有人介紹餐廳時，只要講你要去邊到餐廳，佢哋就會有員工帶你去，服務好好，今次又好彩遇到重慶大廈名人Jacky 哥帶位，因為佢係香港人，同佢講廣東話就可以，由佢帶上餐廳，佢仲好好人咁安排靚位同介紹食咩 🕌餐廳雖然係室內，餐廳內有印度拱門尖頂窗門同鏡子做裝飾打卡位置，而且昏暗氣氛幾有情調，而且人流不多可以靜靜地坐底傾計都幾舒服🕌炸米餅粒 Paani Poori $60由於友人未食過印度菜，特別點了呢款波波形的街頭小食俾佢試吓，呢個係脆米球，入面係薯蓉及香料，食法係醬綠色的酸湯倒入，再快手一嘢放入口，千其唔好分開咬來食，因為會漏到成身係汁，薯蓉味道加上酸酸甜甜帶微辣，好清新又酸爽，係一個幾特別的小食🕌混合肉拼盤 Tandoori Platter $158今次點了4 mix 肉拼盤，可以試到唔同的燒肉口味，包括串燒雞件，魚塊，香燒春雞，免冶羊肉腸，平時最鐘意食串燒雞塊
3 瀏覽
0 讚好
0 留言
🕌食咗幾次印度唔同的印度餐廳，今次話說有人未去過重慶食印度菜，見我成日食話要帶佢去試吓，今日就揀咗重慶大廈入面一間印度餐廳試吓
7 瀏覽
0 讚好
0 留言
🕌未去過重慶大廈的朋友會有啲怕門口的拉客仔好熱情，當行到門口有人介紹餐廳時，只要講你要去邊到餐廳，佢哋就會有員工帶你去，服務好好，今次又好彩遇到重慶大廈名人Jacky 哥帶位，因為佢係香港人，同佢講廣東話就可以，由佢帶上餐廳，佢仲好好人咁安排靚位同介紹食咩
🕌餐廳雖然係室內，餐廳內有印度拱門尖頂窗門同鏡子做裝飾打卡位置，而且昏暗氣氛幾有情調，而且人流不多可以靜靜地坐底傾計都幾舒服
🕌炸米餅粒 Paani Poori $60
由於友人未食過印度菜，特別點了呢款波波形的街頭小食俾佢試吓，呢個係脆米球，入面係薯蓉及香料，食法係醬綠色的酸湯倒入，再快手一嘢放入口，千其唔好分開咬來食，因為會漏到成身係汁，薯蓉味道加上酸酸甜甜帶微辣，好清新又酸爽，係一個幾特別的小食
炸米餅粒 Paani Poori
21 瀏覽
0 讚好
0 留言
🕌混合肉拼盤 Tandoori Platter $158
今次點了4 mix 肉拼盤，可以試到唔同的燒肉口味，包括串燒雞件，魚塊，香燒春雞，免冶羊肉腸，平時最鐘意食串燒雞塊的我，4 款雜錦肉最正依然係燒雞，橙橙紅紅的好香香料味，而第二鐘意的係免冶羊肉腸，少少羶味，肉質比較軟腍而重口味
混合肉拼盤 Tandoori Platter
1 瀏覽
0 讚好
0 留言
🕌腰果杏仁雞 Chicken Korma $98
因為成日叫瑪莎拉同咖哩類，襯Jacky 喺到乘機問吓有咩特別，平時唔識叫嘅叫佢推介一吓，佢話叫我試試「腰果杏仁雞」，都係咖哩一種，加入腰果同奶油煮至cream 狀，好香滑咖哩味會輕第點，但會品嚐到奶滑感同腰果香，雞肉係雞胸肉咁樣,鐘意食雞胸會鐘意
腰果杏仁雞 Chicken Korma
0 瀏覽
0 讚好
0 留言
🕌分層做的面包全麥味葫蘆巴 Methi Ka Lachha $28
這款唔知中文同英寫咩的薄餅，都係Jacky 推介，話平時我哋食來食去都係嗰兩款，今次幫我點呢一個，果然係唔錯，薄餅上邊會有一啲印度香料,香料味唔會太強，而且少少濕濕的口感帶油份的唔會太乾，配咖哩食好正，想同平時的來點不一樣可以直接試吓
分層做的面包全麥味葫蘆巴 Methi Ka Lachha
11 瀏覽
0 讚好
0 留言
🕌芒果奶昔 $35
一如以往的好味嘅印度芒果奶昔,好濃味奶滑帶芒香
芒果奶昔，馬沙拉奶茶
3 瀏覽
0 讚好
0 留言
🕌馬莎拉奶茶$25
印度奶茶感覺唔太甜，飲落幾順喉奶滑
🕌今次係友人第一次去重慶大廈食飯，感覺幾得意有點異國風的小旅行咁，而且帶位及餐廳店員都好好人，而食物對於少食印度菜系列的朋友都覺得唔錯，由其鐘意食球形的脆米餅好打卡又好食係一個幾唔錯的體驗
📍 華達印度餐廳 (重慶大廈) (尖沙咀)
尖沙咀彌敦道36-44號重慶大廈1樓103-104室
張貼
