影片
更多
2017-01-03
473 瀏覽
之前食過鮨文，跟住横掂都食過佢，就同朋友話不如試埋另一間囉，咁就再一次黎左元朗.....,淡香既豆腐上面放上木魚絲，調味帶微辣咸香，食落去有粒粒口感既。而淺色果杯係銀雪魚精囊，食落好香銀雪魚既味但係個味道爆漿咁出黎。至於後面既虎蝦配上黑松露就較為普通，可能係前面兩樣既新鮮感比較大，導致有期望落差。到壽司啦，以下係跟住次序黎食既。先係好多時間都會出現係第一貫既帆立貝。柚子味度清香，帆立貝肉軟熟，其後既鮮味靠柚子黎突出。而呢貫池魚比我想像中厚肉，魚肉口感有咬勁，但池魚本身既魚味略嫌無法帶出黎，始終池魚先天係淡味魚，除左鮮甜味度外就要靠調味襯托。而第三貫金目都面對呢個問題。甚至係柚子味帶唔出個味道，有d失望食唔出金目應有香。可能當日用上灸燒呢個方法會較好？第一輪最後一貫就係恍忽魚。呢個奇怪名聽就聽過幾次，食就真係第一次。呢隻魚味有d特別，可能係咸味突出左佢既味道既關係，只能講好特別，對我黎呢隻鮮味係令我好深印象。但腥同鮮對唔少人黎講只係一絲之差，有機會怕腥既人會唔鐘意。到第二輪啦，先食既係筋子。講解話自家制的，魚子獨有既咸香味並無比醬油蓋過，醬油醃得岩岩好，而且紫菜烘脆有令成件事加分。第6貫
淡香既豆腐上面放上木魚絲，調味帶微辣咸香，食落去有粒粒口感既。而淺色果杯係銀雪魚精囊，食落好香銀雪魚既味但係個味道爆漿咁出黎。
至於後面既虎蝦配上黑松露就較為普通，可能係前面兩樣既新鮮感比較大，導致有期望落差。
到壽司啦，以下係跟住次序黎食既。先係好多時間都會出現係第一貫既帆立貝。柚子味度清香，帆立貝肉軟熟，其後既鮮味靠柚子黎突出。
而呢貫池魚比我想像中厚肉，魚肉口感有咬勁，但池魚本身既魚味略嫌無法帶出黎，始終池魚先天係淡味魚，除左鮮甜味度外就要靠調味襯托。
而第三貫金目都面對呢個問題。甚至係柚子味帶唔出個味道，有d失望食唔出金目應有香。可能當日用上灸燒呢個方法會較好？
第一輪最後一貫就係恍忽魚。呢個奇怪名聽就聽過幾次，食就真係第一次。呢隻魚味有d特別，可能係咸味突出左佢既味道既關係，只能講好特別，對我黎呢隻鮮味係令我好深印象。但腥同鮮對唔少人黎講只係一絲之差，有機會怕腥既人會唔鐘意。
到第二輪啦，先食既係筋子。講解話自家制的，魚子獨有既咸香味並無比醬油蓋過，醬油醃得岩岩好，而且紫菜烘脆有令成件事加分。第6貫鯖魚腩，居然無醃兼用上赤醋飯，本事鯖魚大多數都係泡過醋，而無經調味既鯖魚原來充滿油分，咬落去油感四出，更香既青魚味道就出黎，但同樣呢隻味怕魚腥既人有機會怕。
跟住食既係銀雪魚，之前食過一款就只係享受佢既魚油味。而呢隻除左油味之外，仲有本身銀雪魚獨得好滑既口能，軟淋淋似蒸魚肉果種呢，本事煎銀雪魚一塊塊散出黎果種感覺！
今round最後一貫既係拖羅。師傅用上斜切帶根既選擇，諗法正確因為真係入口即溶，如果唔咁處理口感會變好怪，就會食魚油壽師咁，所以油份味道的確消化得岩岩好。
最後一輪兩貫先食既係劍魚腩。劍魚獨特既味道入口半溶，且有種有咬口既口感，油份無拖羅咁重，放係呢一貫上的話我有些小保留，但不失為一件好壽司。作結既係馬糞海膽。馬糞味道好濃，但略嫌呢隻紫菜有點搶味道，不過可能因為咁我先覺得個海膽味道更香更濃吧？個人黎講我傾向後者呢個選項。
食完10貫壽完就食小小熟食。呢隻叫澤蟹，炸之前仲比我地睇睇有幾咁生猛，RIP炸到勁脆身勁粉，鉗位蟹味好濃，其他部位食後都唔會痴口痴牙。
而個燒牛扒另外加就係切件上，燒完都有油份所以呢隻和牛既味道都好香下，肉味唔太夠就靠黑椒調味突出番。最欣賞係燒到薄薄焦脆個coating。
到甜品前既終章了。鐵血卷既tuna經過醬油漬，因此魚肉香味突出左，赤醋飯亦明顯帶出tuna既味道。而個青瓜卷既選料就用青瓜仔，好爽脆，真係好青脆，識唔識欣賞就見人見智....作結的話，好在我唔驚青草地既味道架姐。
而個魚湯個presentation好特別。兩個瓜互相扣住，勁特別！而京蔥突出鮮味去消油膩。
甜品。整體上今次係有些微既失望，皆因我唔係坐bar枱，始終同師傅有傾計會理解到更加多佢個理念。所以今次我都帶住左幾個疑惑在心中，但願有下次既見面。
張貼
