汝 鐵板燒

營業中

休息中

人生第一次寫食評，第一次食鐵板燒。見social media介紹又做特價，就趁生日前去食。每食一道菜，師傅都介紹，我唔食蔥又特別幫我走蔥。食夜晚8點果個時段，7位客人，原本都各自各食。師傅講下笑，最後大家都有少少交流，成餐飯食得好開心。唯一唔好，係冷氣唔夠。一入去好熱，佢即刻開埋風扇，但可能座位較入，都係較熱。驚喜我訂嘅時候冇remark有咩特別慶祝，最後都有件生日小蛋糕。原來三枱客都係慶祝生日。希望買一送一可以做耐少少，可以再去食多次。個人食得偏淡，就會覺得有d會味道濃咗少少，但係好食嘅。