星巴克咖啡

營業中

休息中

一大班朋友去觀塘參加活動， 完成咗附近apm商場行下街， 經過starbucks見到有希臘式乳酪。 之前一直都係食藍莓乳酪， 藍莓乳酪比較甜同埋多糖分。 店員介紹可以試下希臘式乳酪， 返到屋企好有驚喜。 主要係乳酪同埋生果， 唔會好似藍莓咁有好多糖漿。 希臘式乳酪加埋士多啤梨 、藍莓、 紅莓， 味道微甜帶點酸酸地， 感受到真正乳酪嘅味道。 另外配搭脆脆燕麥， 有青蘋果乾、 士多啤梨乾 、椰子乾、 碧根果仁， 感覺好清新同埋健康。 價錢比較貴少少，差唔多50蚊，但係都好飽肚， 都係一個健康選擇。