豐受居酒屋

營業中

休息中

去完茶果嶺公園係附近周圍行搵野食，見到有間居酒屋就入去了。晚市只有幾檯生意，可能係因為餐廳位置唔近大街，所以冇乜人經過。🍚牛舌芯丼飯 $138 🌕🌕🌕🌑🌑睇餐牌張相見到牛舌好厚好吸引，點知上到檯好薄，超級失望。碗飯就好大碗，但薄牛舌就得9塊左右，食到最後剩低小半碗飯，但已經冇曬餸了。唯一可讚嘅係牛舌整得唔錯，唔會韌/柴，但個醬汁都好一般，甚至有啲漏。🍲花膠雞湯烏冬 $98 🌕🌕🌕🌑🌑湯底唔錯，幾清甜，但唔知係咪材料擺太耐壞左，個冬菇食到酸味😢成餐味道其實正常，但以呢個價錢黎講，仲未計加一，真係有好大改善嘅地方，性價比好低。開喺人流唔多嘅地方，大概需要喺味道方面落力啲，令口碑好啲，吸引人特登走過黎食。希望餐廳真係有所改善。