影片
更多
2023-01-12
1140 瀏覽
唔想入長洲，但係又想食長洲糯米糍，所以特登搵咗呢間 (唔知點解硬係鍾意食呢隻多過外皮灑咗大量椰絲嗰隻糯米糍)佢專賣長洲芒果糯米糍，有唔同size，M size至L都有仲做緊買五送一優惠，阿媽一買買咗10個返嚟😂▶️ M size 呂宋芒果糯米糍 ($16)雖然係M size，但係都唔細粒，接近一個手板咁大🖐🏻望真啲先發現呢種糯米糍嘅皮都幾似日本大福餅，都係面上加咗適當份量嘅麵粉令佢滑捋捋又乾身，望落雪白色🤍攞上手已經feel到入邊成大嚿芒果🥭芒果食落又甜又多汁，一啲都唔酸，亦唔會生硬😋不過就未至於好香芒果味外皮咬落煙煙韌韌👍🏻真係mochi口感，軟軟糯糯，入口即溶雖然內側俾啲芒果搞到濕咗啲，但唔會影響口感，反而營造咗芒果融入糯米皮嘅效果同正宗長洲糯米糍嘅分別可能係個皮嘅厚薄，感覺呢個厚少少🤏🏻但係因為佢外皮層糯米好食，所以唔緊要🤤幾好係佢除咗芒果天然甜之外，糯米冇加好多糖，本身食落冇咩味，咁就唔會蓋過咗芒果嘅甜都算係健康嘅甜品～▶️ 榴槤糯米糍 ($20)一開盒已經聞到勁大陣榴槤味👃🏻我自己唔太食榴槤，不過屋企人話好香又唔會太過甜問佢哋覺得榴槤定芒果好食啲，佢哋話各有特色揀唔到🤣▶️ 芝麻花
佢專賣長洲芒果糯米糍，有唔同size，M size至L都有
仲做緊買五送一優惠，阿媽一買買咗10個返嚟😂
▶️ M size 呂宋芒果糯米糍 ($16)
雖然係M size，但係都唔細粒，接近一個手板咁大🖐🏻
望真啲先發現呢種糯米糍嘅皮都幾似日本大福餅，都係面上加咗適當份量嘅麵粉令佢滑捋捋又乾身，望落雪白色🤍
攞上手已經feel到入邊成大嚿芒果🥭
芒果食落又甜又多汁，一啲都唔酸，亦唔會生硬😋不過就未至於好香芒果味
M size 呂宋芒果糯米糍
$16
35 瀏覽
0 讚好
0 留言
外皮咬落煙煙韌韌👍🏻真係mochi口感，軟軟糯糯，入口即溶
雖然內側俾啲芒果搞到濕咗啲，但唔會影響口感，反而營造咗芒果融入糯米皮嘅效果
同正宗長洲糯米糍嘅分別可能係個皮嘅厚薄，感覺呢個厚少少🤏🏻但係因為佢外皮層糯米好食，所以唔緊要🤤
幾好係佢除咗芒果天然甜之外，糯米冇加好多糖，本身食落冇咩味，咁就唔會蓋過咗芒果嘅甜
都算係健康嘅甜品～
▶️ 榴槤糯米糍 ($20)
一開盒已經聞到勁大陣榴槤味👃🏻
我自己唔太食榴槤，不過屋企人話好香又唔會太過甜
問佢哋覺得榴槤定芒果好食啲，佢哋話各有特色揀唔到🤣
▶️ 芝麻花生糯米糍 ($15/2)
唔係生果而係磨碎咗嘅花生同芝麻
平時比較少食🥜
同樣唔會太甜
-
係一個整得好好食嘅芒果長洲式糯米糍❤️嚟到灣仔都食得到嗰種味道
包裝都唔錯，因為外面啲麵粉令佢唔會太黏，糯米糍唔會黐住晒
每一件拎到返屋企都完整無缺，唔會爆曬啲料出嚟😂
同埋佢哋建議放入雪櫃前要擺張紙巾喺面，防止雪櫃啲水整濕糯米糍
價錢上同長洲賣嘅差唔多，不過就慳咗來回船飛同時間，計返都抵食
想食呢種糯米糍，又唔想入長洲，可以去呢間！
(話說之前旺角都好似有，但係可能近幾年少咗遊客，之後就買少見少。。。)
張貼
