越僑

營業中

休息中

星期六下晝，做完嘢，諗住過中環街市趁下熱鬧食下嘢，見到萬頭鑽動嘅情況都嚇怕咗，立即撤退去附近覓食，結果喺對面街搵到寶藏🤗。越僑隱身喺鐵行里入面，地方細細，有啲蛇竇 feel。由於約咗人食晚飯，唔敢食太飽，於是淨係叫咗個招牌蒜香牛油雞翼 tea set。呢度嘅雞翼蒜蓉味重好多，相比之下，牛油味唔太夠，不過上碟時伴有炒得好香嘅韭菜，芽菜同紅蘿蔔絲，整體味道偏濃，幾惹味。餐飲我叫咗龍眼冰，上枱時見到杯嘢白色，以為落錯 order，原來呢度嘅龍眼冰係椰汁底😲，嘩，真係第一次試。老實講，我比較鍾意平時飲開嘅龍眼冰，不過呢杯都唔錯，因為龍眼肉好多，清甜爽口。