影片
更多
2023-05-08
509 瀏覽
本來想去附近俊賢坊食【大成麵館】魚餐，但因忘記星期日休息摸門釘，所以就轉去新駿皇試一下。我只幫襯過巴士總站剛開業時駿皇，幫襯咗一輪就冇再幫襯了 ! 之後搬咗去現址改名新駿皇，我就一直都未幫襯過，今日終於可第一次幫襯試下了 !今日兩個人去諗住食魚，見門口餐牌有個晚市蒸餸套餐$163元，可選一款蒸魚、再跟半隻蔥油雞、白飯、再送油菜+例湯+凍飲加$3元、及凍檸樂加$7元。坐低卡位先奉上兩杯暖水，水杯係不鏽鋼杯幾精緻幾靚。落咗 Order 叫晚市蒸餸套餐後，先上兩碗中式例湯，係南瓜胡椒湯，唔見有豬肉及豬骨，感覺係用胡椒重味去化替豬肉或豬骨?! 不過有部份人尤其老人家或小童，係唔受得胡椒辛辣味，希望加番啲急凍豬湯骨提升鮮味，唔好為降低成本用胡椒啦 ! 阿姐服務態度都唔錯，而且係用手機落 Order 都幾先進。揀咗豉汁蒸鯧魚，約 5 分鐘後先上蔥油雞半隻，雞算見肉好厚冇乜肥膏，但肉質較鞋冇乜鮮味，雞皮都幾厚。蔥油佢直接鋪面上，而且蔥油非常淡味，我要自己加幾滴豉油先有味，建議蔥油分開上更好。之後陸續上油菜，我揀咗牛腩汁菜芯，菜芯好大氣好翠綠鮮嫩，渌得剛剛好唔會過淋，呢個油菜值得一讚 ! 隔咗約5至8
今日兩個人去諗住食魚，見門口餐牌有個晚市蒸餸套餐$163元，可選一款蒸魚、再跟半隻蔥油雞、白飯、再送油菜+例湯+凍飲加$3元、及凍檸樂加$7元。
坐低卡位先奉上兩杯暖水，水杯係不鏽鋼杯幾精緻幾靚。落咗 Order 叫晚市蒸餸套餐後，先上兩碗中式例湯，係南瓜胡椒湯，唔見有豬肉及豬骨，感覺係用胡椒重味去化替豬肉或豬骨?! 不過有部份人尤其老人家或小童，係唔受得胡椒辛辣味，希望加番啲急凍豬湯骨提升鮮味，唔好為降低成本用胡椒啦 ! 阿姐服務態度都唔錯，而且係用手機落 Order 都幾先進。
南瓜重胡椒例湯
53 瀏覽
0 讚好
0 留言
南瓜湯胡椒湯
12 瀏覽
0 讚好
0 留言
雞肉厚唔肥但肉不夠嫩較鞋口，而且蔥油淡而無味。白飯還可以，但碗飯𢳂到散修修。
9 瀏覽
0 讚好
0 留言
蔥油雞 + 豉汁蒸鯧魚 + 油菜 + 例湯 + 白飯 (晚市蒸餸套餐)
$163
13 瀏覽
0 讚好
0 留言
白飯口感及飯味還可以，不過碗白飯上枱，𢳂飯就𢳂到亂糟糟咁，希望又改善下用個飯勺壓下佢，賣相會好好多。
凍檸樂係瘦身罐裝可樂上，俾一玻璃杯冰底自斟，呢樣跟餐係加 $7元。另外我叫凍奶茶，跟餐加 $3元，凍奶茶比較淡冇乜茶味，但就幾大杯份量幾多，掛住食飲品照片唔記得影啦 !
期間阿姐多次幫忙執枱，服務確係唔錯呢點要讚。卡位枱面側邊拉出拎餐具，遺憾係冇提供餐紙巾，如果有提供餐紙巾，服務我會俾多一粒星、去到五星 !
埋單可以用八達通都方便，使用消費劵人士就更方便啦 !
題外話/補充資料：
除咗蔥油雞比較失望之外，性價比都係唔錯，雖然堂食空間唔大座位有限，但卡位兩個人坐都舒服，現場有電視長播 83 新聞台，我本身唔睇 tvb 新聞，所以都冇乜點望。
(以上食評乃用戶個人意見 , 並不代表OpenRice之觀點。)
張貼
