泰原味

營業中

休息中

連續講咗兩次，要豬髀飯，阿姐仲好冇耐性話聽到已經落咗單啦，但最後都係落錯單，俾咗海南雞飯我。跟住等咗一大輪，我碟豬髀飯終於到咗，跟住叫阿姐半分鐘收據，問咗幾次都冇人理我，之後第二個侍應話唔使換，因為價錢一樣，既然佢咁講我都以為一樣，直到坐我對面個男仔打開個餐牌，我先至見到原來兩個價錢係唔同，豬髀飯係平兩蚊（海南雞飯$54 ，豬髀飯$52）。到去到收銀嘅時候，都依然堅持係要收我貴啲嘅$54價錢。本來係好小事，但係個阿姐由頭到尾都勁冇耐性，唔好意思亦都冇一句，作為長期客仔嘅我好失望，以後唔會再嚟。