好梳芙甜品屋 (已結業)

難得去到馬鞍山探朋友，當然尋找美食啦，經過呢一間甜品店，見裝修得好靚又是我最鍾意ga粉紅色😍就入去試吓啦，見到餐牌佢個疏乎厘價錢有D D貴，但係又好吸引喎🤗，所以忍唔住都叫左2個試下先，結果真係好好味吖😋所以又覺得價錢都合理（我想講真係好大份架）一份可以足夠兩個人食～一上枱見到個外相都好開心，而疏乎厘蛋糕好香蛋味又鬆軟^ ^外面個醬又好滑，真係做得好好👍🏻我哋叫咗珍珠奶茶味和士多啤梨味，2個都唔錯😋真係好足料！勁多醬！好大個！最後想外賣一個返屋企，比屋企人試吓，原本老闆唔建議外賣，因為會影響味道和口感，但最後老闆都好細心，用一個大盒子給我外賣一個😀，經過30分鐘回到家，媽媽話依然口感豐富，還有焦糖香蕉配合Tiramisu醬簡直絕配吖，所以有機會再去馬鞍山，一定會再食，試埋佢其他糖水