影片
更多
2017-10-11
467 瀏覽
將軍澳廣場，今年新開左煌府酒樓，成為去到將軍澳飲茶嘅新蒲點，鍾意王子，除咗佢新裝修乾淨又光猛，佢呢度既點心小食，都唔錯。先黎呢度既皇牌叉燒先！半肥瘦嘅叉燒，加上光澤十足嘅蜜汁，淨係睇個賣相，就知道王牌實在名不虛傳。攞一舊叉燒睇下，肉質好軟，色澤鮮明，咬落去肉汁加蜜汁既 Juicy 感十足，五分鐘內一掃而光，必食！八珍真甜醋豬腳姜有時肚餓嘅時候，見到咩都想食，門口有一排美食推薦，見到呢個八珍甜醋豬腳薑，實在忍唔住要咗一客試吓，講明用咗八珍甜醋，心理上真係覺得真係好食啲。甜得黎，醋味好温和，除咗我哋女仔鍾意食，同枱嘅男士都居然受落。豬腳煮到好淋、入味，怪不得每枱都差唔多有客食緊。呢度嘅私房點心，有好多款係出面冇嘅，喺點心紙到睇圖片，真係做得好精美，又有特色，所以今次 order 都圍繞着佢哋嘅私房點心。姫松茸蘑菇包 HK 21.8呢個蘑菇包上枱，嚇左我地一跳，乜唔係麵包黎嘅？居然係咁大隻蒸蘑菇，裡面包住咩呢？攞上碟先知原來真係麵包型既蘑菇，造型真係太逼真了！裡面係姬松茸、雞脾菇、鮮菇和冬菇蓉。由香氣、口感同味蕾都照顧周到，以各樣特色的蘑菇，帶俾客全新既体驗。呢個姫松茸蘑菇包係我呢幾年食點心
小食，都唔錯。
先黎呢度既皇牌叉燒先！
半肥瘦嘅叉燒，加上光澤十足嘅蜜汁，淨係睇個賣相，就知道王牌實在名不虛傳。
攞一舊叉燒睇下，肉質好軟，色澤鮮明，咬落去肉汁加蜜汁既 Juicy 感十足，五分鐘內一掃而光，必食！
八珍真甜醋豬腳姜
有時肚餓嘅時候，見到咩都想食，門口有一排美食推薦，見到呢個八珍甜醋豬腳薑，實在忍唔住要咗一客試吓，講明用咗八珍甜醋，心理上真係覺得真係好食啲。
甜得黎，醋味好温和，除咗我哋女仔鍾意食，同枱嘅男士都居然受落。
豬腳煮到好淋、入味，怪不得每枱都差唔多有客食緊。
呢度嘅私房點心，有好多款係出面冇嘅，喺點心紙到睇圖片，真係做得好精美，又有特色，所以今次 order 都圍繞着佢哋嘅私房點心。
姫松茸蘑菇包 HK 21.8
呢個蘑菇包上枱，嚇左我地一跳，乜唔係麵包黎嘅？居然係咁大隻蒸蘑菇，裡面包住咩呢？
攞上碟先知原來真係麵包型既蘑菇，造型真係太逼真了！
裡面係姬松茸、雞脾菇、鮮菇和冬菇蓉。
由香氣、口感同味蕾都照顧周到，以各樣特色的蘑菇，帶俾客全新既体驗。
呢個姫松茸蘑菇包係我呢幾年食點心，好少有既驚喜，有食完一定要推介俾所有人嘅衝動。
黑松露燒賣皇 HK 18/2 隻
呢個燒賣用咗大蝦同松露，只售＄18兩隻，價錢超值，必試！
脆趣蘿蔔絲腸 HK 26.8
呢個又係佢哋自家製嘅點心，腸粉裏面有炸脆了的甜蘿蔔絲，有拔絲嘅效果，加上外面軟諗諗的腸粉皮，好特別。
不過飲茶都總有有兩三款係例牌必食。
翡翠牛肉球 HK 22.8
醬汁蒸鳳爪 HK 22.8
呢兩款傳統嘅點心，對佢哋來講當然無難道，味道保持水準。
呢間煌府咁有誠意做點心，一定會再 encore 。
張貼
