Nutmad (已搬遷) 新店位置

食過呢間餐廳幾次. 地點位於觀塘工業大廈. 仲要上樓.餐牌比較簡單. 選擇唔多. 食嚟食去都係果幾樣. 黑毛豬. 卡邦尼意粉. 西多士.黑毛豬. 外脆內嫩. 有脂肪嘅位置OK. 今次都有少少乾嘅部份. 整體唔錯.佢側邊放咗一些咖啡粉同鹽. 唔覺意掂到就好鹹. 餐廳可以考慮分開上或者放遠少少.卡邦尼意粉. 同平時食嘅好唔同. 個汁唔係白色嘅. 應該係用蛋黃汁. 而且癡晒上意粉上面. 比較乾身. 亦都用超過一種煙肉. 特別.最後係 (大約) $100嘅西多士. 聽講要之前一晚用雞蛋浸定. 所以數量有限. 建議訂位時預訂埋.呢間係一間有心機做好食物嘅餐廳. 當然工廠區就唔會係好靚嘅裝修.