FAB Kitchen (已結業)

步入餐廳果刻會忘記自己係工廈入面，餐廳環境舒服得黎有格調，座位寬敞，服務員好貼心拎左個籃比我地擺野。⭐️煙燻鴨胸腰果沙律 $138煙鴨胸味道鹹香，🧅🍅新鮮清甜，加入腰果令口感提升，綠色既係大部份係麵條，混合左少量青瓜絲，建議淨用青瓜絲，減低飽肚感。⭐️白酒煮紐西蘭青口 $148份量好多，估計有廿幾粒以上，青口肉質飽滿，帶淡淡海水味，用白酒煮更提鮮。⭐️紐西蘭西冷牛排 $258牛扒7成熟，脂肪較少相地唔會太膩，肉質唔柴帶嚼勁，建議5成熟會更好。黑松露薯蓉質地軟滑，黑松露味香濃。⭐️香煎銀鱈魚 $238用薯仔粒墊起銀鱈魚，魚肉嫩滑，配上菠蘿清酒泡沫，令口感更綿密，細心品嘗會感受到淡淡清酒香。三文魚子味道鮮甜，有驚喜。⭐️英式香蕉太妃批 $78忌廉幼滑，餅底酥香，口感多層次，整體甜而不膩。