影片
更多
2024-02-28
54 瀏覽
荔枝角工廈入面都有好多隱世高質餐廳，今次嚟到D2 Place對面嘅億利工業中心，試下上面頗有人氣嘅性價比法式料理🍴！餐廳主要用上純白色簡潔裝修，座位都比較闊落，坐得幾舒服～由前菜到甜品，提供多款西式料理，款式都幾特別唔會經常見到，擺盤好靚又足料！除咗散嗌，懶得諗嘅仲有二人套餐可以選擇！-——————————————🧄◖法式傳統洋蔥湯◗ $68洋蔥湯啱啱出爐超香，裏面有好多料，味道會偏鹹少少～🥗◖凱撒沙律配無激素雞胸肉◗ $138凱撒沙律份量幾多，配上麵包粒同凱撒沙律醬，上面有原塊嘅切片雞胸肉，雞胸肉肉質幾軟嫩，帶少少炭燒香氣🍞◖瑪格麗塔佛卡夏◗ $128呢個可以算得上係餐包，超大份嘅餐包！佛卡夏帶有淡淡嘅鹹味同濃郁嘅橄欖油味，配上酸酸哋嘅蕃茄莎莎同巴馬火腿，都幾開胃，拎嚟配酒嘅話應該唔錯！🦆◖法式油封鴨腿◗ $198油封鴨腿值得一試！鴨腿外層比較乾身，咬落去酥脆香口，啲肉可以一層層咁撕落嚟，口感亦唔乾柴幾嫩，鴨香同香草嘅味道融合得幾好！🐏◖寶雲酥焗澳洲羊架◗ $248半份羊架有四支骨，係偏幼身嗰種羊架，肉質軟嫩呈粉紅色，一切開啲肉汁係咁流出嚟！個人幾鍾意佢嘅羊羶味，有少少但係又未至於太
-——————————————
🧄◖法式傳統洋蔥湯◗ $68
洋蔥湯啱啱出爐超香，裏面有好多料，味道會偏鹹少少～
🥗◖凱撒沙律配無激素雞胸肉◗ $138
凱撒沙律份量幾多，配上麵包粒同凱撒沙律醬，上面有原塊嘅切片雞胸肉，雞胸肉肉質幾軟嫩，帶少少炭燒香氣
🍞◖瑪格麗塔佛卡夏◗ $128
呢個可以算得上係餐包，超大份嘅餐包！佛卡夏帶有淡淡嘅鹹味同濃郁嘅橄欖油味，配上酸酸哋嘅蕃茄莎莎同巴馬火腿，都幾開胃，拎嚟配酒嘅話應該唔錯！
🦆◖法式油封鴨腿◗ $198
油封鴨腿值得一試！鴨腿外層比較乾身，咬落去酥脆香口，啲肉可以一層層咁撕落嚟，口感亦唔乾柴幾嫩，鴨香同香草嘅味道融合得幾好！
🐏◖寶雲酥焗澳洲羊架◗ $248
半份羊架有四支骨，係偏幼身嗰種羊架，肉質軟嫩呈粉紅色，一切開啲肉汁係咁流出嚟！個人幾鍾意佢嘅羊羶味，有少少但係又未至於太濃，幾香！
🌟Encore指數：8.7/10
張貼
